كلمات اغانى صلاح مصطفى

.اغانى صلاح مصطفى



الحنان تتهنى بيهو

إنت لو فكرت تتزكر غرامك في ماضيك البعيد

برضي زيك كنت عاشق و كانت أيام عمري عيد

*

كنت عايش في سعاده و قلبي فرحان بي حبيبو

ياما شمتو الناس عليهو لما حاول يوم يسيبو

الفراق قسموهو ليهو قلبي رضيان بي نصيبو

تمضي ايامو في عذاب و في ربيعو يكون وحيد

*

لما شفتك رحت ناسي كل الكانو قربي

بعت غيرك و إحتضنتك يا حبيبي جوا قلبي

إفتكرتك تبقى أملي و تبقى زادي و باقي دربي

لو نسيتو ... أو جفيتو

في العذاب كم من متيم

و في الغرام كم من شهيد

*

يا حبيبي إيدي و إيدك نبني جنتنا الصغيره

تحكي ليا و أحكي ليكا عن أمانيا الكبيره

الحنان نتغنى بيهو

و الحنين يبقى المسيره

يا حبيبي قلبي عندك و إنت فيهو

و تحيى بيهو و تبقى ليهو

وطوق نجاتو و نور حياتو



















صباح الخيــــــــــــــر





ضربتة اقول صباح الخير

واشوفك كيفن اصبحتة

واشوفك عنية ولا نسيت

معاي الشوق لامن رحتة



بدور انا يبدأ يومي سعيد

بهمسو الناعس الصاحي

وقصدي حديث رقيق وحنين

ابدر بيـــــــــــــهو صباحي

واعيد لحظات اعيش فيها

معاك اشــــراقي وافراحي

واصبح لي قليب في ريد

تطير اشواقو بجــــــناحي



داير اسمعك تاني تناديني

وتقــــــــول اســــــــــــمي

سنين وحروفو رايحة علي

وتايهه معايا في وهــــمي

كأنو الليلة سموهو وشفو

حروفو فــــــــــــــي دمي

وما ظنيتو مرة يمين لامن

قالو البيزيل هــــــــــمي



كيف يا صباحي تبقى صباح

بدون ما يهدي لي الحان

تصافح اذني احلى كلام

ندر ما يندى بيهو زمان

وتطربني اللجينو الزي

ظلال في لوحة الفنان

اسمع النغمة تأثرني

وتملا القلب كلو حنان























حروف للفراشة







يا شدر بلدي وبيوتا

يا ربيع ما هان عليه يمر بساحاتنا ويفوتا

يا أماسينا الحبيبة وأمنيات صبحت قريبة

ويا مطر ساقي المرابيع الجديبة

يا ربيع في عُمري باسم

يا فرح كل المواسم

يا العيونك لما أرحل يبقو لي أجمل عواصم

ولو جفتني في يوم عيونك

من صدودن ماني خايف

وأصلي في عينيك شايف

رقصة الموج في الشواطي

وبهجة الناس في المصايف

والدراويش لما يغرقوا في الذكر

وذكري نبي الله الخدر



والعلاقة البين أناملك والقطايف

واتكاءات العصاري

ترعة الشوق في القماري

والخدار الدابو فرهد وشرّ في كل الصحاري

والشمس لامن تقيف بي عزة في الفاصل المداري























منآجاة



للشاعر الكبير



مسعد حنفى



*****



هل تذكري نزهتنا في المقرن سوى



وسط الزهور نتساقى كاسات الهوى



هل تذكري النيلين عناقم كيف بدا



زي احتضان الورده لي بلل الندى



الموجه تابعه الموجه جاريه تطارده



تهدر تثور في صوت يزيد عنفه الصدى



هل تذكري القمري الشدا



كيف كان يغرد منشدا



الحان غرامنا يرددا



وحوله الطيور مااسعدا



هل تذكري انا ليك فدا



كيف كنت هانيه ومسعده



الوجنتين متورده



والابتسامه تساوي كونا وماحوى



هل تذكري كيف كنا في غاية الصفا



رقت حواسنا والمناظر ترهفا



الماء امامنا يداعب العشب الطفا



نثر الرذاذ فوق لي وجوهنا يلاطفا



بدت الزهور ما اظرفا



الوان عديده مصنفه



الخضره معناها الوفا



والصفره عنوان الجفا



اما البياض لون الشفا



رمز السلام والمعرفه



والحمره شوقنا المانطفى



نار تستعر تحرق قلوبنا في الهوى



هل تذكري شمس الضحى المتألقه



كيف اختفت لامن بديتي مشرقه



ليك تنحني الاشجار رءوسه المطرقه



غارت عليك نشرت غصونه المورقه



ما احلا ساعات اللقا



نزهتنا كانت شيقه



بدت الحديقه منسقه



اكمام وروده مفتقه



اطياره فوق متعلقه



جوه القلوب ثمر الهوى طاب واستوى



هل تذكري كيف كنت فاتنه مدللة



جذابه رايعه مكمله من غير طلا



نور ابتسامتك يملا جنبات الفلا



روعه وجمال زي الزهور وسط الكلا



رقّ النسيم والجو حلا



غاب العزول والبال خلا



ياغاليه ياست الملا



انت الرخا بعد الغلا



والشدّه ياكافي البلا



جمبك تكون ما أجمله



روحنا تتشابى للعلا



يلاّك سوى ابداً املنا ماانطوى























ما عدت قادر انتظر







ما عدت قادر انتظر

سامحني غلطان بعتذر



ما كنت قايل من عتاب تحكم علي

بالوحدة والشوق والعذاب

انت القبيل شلت الصعاب

في دربو عديت ألف باب



لو انت زهو الحسن في عيونك بدا

خليك أمين في العشرة لي آخر مدى

كيف تنسى لهفة قلبي ليك

تنسى الحنان الكان لديك

لو مرة اسمك في البعيد شايلو الصدى

بلّ النسايم الحلوة بي قطر الندى

تلقاني واقف مرتعش ضارع إليك



عارف تمام ده المستحيل

الحسن والطبع النبيل

يغضب يجور

لحظات خصامو المرة تتمدد شهور

صدقني لو أغلط معاك دايماً أقول

انت الأصيل انت الوفي

عن حبي ما ممكن يميل

يضحك سلام الدنيا في عيونك دليل

من بعدو ما داير دليل



ما عدت قادر انتظر

سامحني غلطان بعتذر























لا لا لا لا لا لا لا





لا لا .. لا..



لا لا ... لآ .. لأ..

لا لا ... لأ

بقيت أسير جمالها أملي ومناي وصالها

أقول أسأل عيونها خايف تقول لي لا لا



لا لا .. لأ ...



بصبر علي دلالها أصلو المحال محالها ..

مصير حياتي أصبح ما بين نعم ولالا ..



لا لا .. لأ



أقول أشوف صحابها يوصلوا الرسالة ..

أخاف من المقالة وجيت الجواب بلا لا ..



لا لا .. لأ ...

أحب سنيني تمضي في سعادتي وبخيالها ..

يمكن تجئ الحقيقة وتبقي الحقيقة لا لا ..



لا لا ... لأ

ريدتنا في الليالي سامية وندر مثالها ..

لو يوم تشوف كتابها ما بتلقي فيه لالا ..





لا لا .. لأ ..

نقبل قسي الحبيبة ونصبر علي إرتحالها ..

لكن منو البيصبر لو قالوا ليه لالا ...



لا لا ... لأ ...

فتحت ليكي قلبي في موضع الجلالة ..

حاشاك تصدي عنو وحاشاك تقولي لا لا ..





لا لا ... لأ

لالالالالالالالالالالالا ... لألألألأ























مشي امرك يا قدر





مشي امرك يا قدر .. إنت أحكامك مطاع ...

لو حصل ونحنا إفترقنا والليالي الأمر ضاع ..

لمسة الذكري المعاي تبقي زاد روحي ومتاع ..



الزمن كان مبتسم والليالي جميلة حالمة ..

كانت الأيام بتمضي حلوة ريانة ومسالمة

لا شكينا من الزمن لا إلتقينا بلحظة ظالمة..

بي هنان الدنيا كانت يا حبيبي العمر عالمة ..



فجأة غير ما نحن نشعر يا فراق طليت علينا ..

وأصبحت كل الليالي الطيبة والأيام حزينة ..

وإرتسم ظل في جبين أيامنا ظل رعشات سجينا ..

كان طريق مكتوب نسيرو نحن سرناه ومشينا ..



عودت من بعدك رجعت وعشت متغرب وحيد

وإبتديت أشعر بدهر العمر بيتساقط بعيد ..

يا حليلك إنت والأيام ربيع اخضر سعيد

كنت أبكي عليك بعمري الدموع بس ما بتفيد ..























رجـــــــــع الصدي







رجع الصدي عاد لي حكايتو ورددها ...

صحي الجروح الزاهرة ..

وأنا منتظر في يوم تروح بالشوق برواها وجددها

مهما تباعدت الدروب .. أو عز المزار ..

مهما إرتضينا علي مضض لروقنا بين ريدتنا دار ..

المالكو ما متل متل البعاد .. ما كل اصفر منو ضاق ..

ما كل أهة وراها نار .. ولا كل ناعسه مسهده ...

زي الصدي .. الريد يسافر تاني يرجع للبداه ..

لعيون ضناها بعادو بالهم سهدها ..

لمن بدأ .. بدأت الأزاهر لي رجوعو مفرهدة ..

باقات من الشوق والحنين .. مغزولة بي قطر الندي ..

يا فرحتك يا قلبي بي رجوع الصدي ...

يا قلب مفعم بالحنين .. شايل المودة علي السنين ..

لا باعها يوم لا بددها ...

























صابر فوق أذايّ





مرة صابر فوق أذاي ومرة شايل جرحي وأشكي ..

يا حبيبي الدنيا حالها يوم تفرح ويوم تبكي ...





إنت بيك سعدي وهنايّ ليك من بعدك رَيَالي ..

شاكي دهري وباكي حالي وعش أواني الأضحي خالي



..



مرة غايتو نقول إرادة وقلنا خاين الحب نسيبو ..

يوم تصافي ويوم تجافي ويوم تشيل سعدي وتجيبو..



نحن مهما فراقنا طول ريدنا في أعماقنا باقي ...

ونبقي زي ما كنا أول يا حبيبي الحي بلاقي

























صدقينى



لو تعيبى على غرام

عشت فيه زمان تكونى

شفتى من ايامى لمسة

ايغظت حبى وحنينى

علمتنى احب واعشق

واحمل الشوق فى عيونى

ليه تعيبى على سنين

ساعدتنى احس بيك

و ازرعك فى قلبى زهرة

وبدماى اجود عليك

كل انسان عنده ماضى

كامن فى حياته

فيه ليلاته الخوالى

وبعض عمره وذكرياته























بعــــــــــــد الغيــــــــــــــــــاب





بعد الغياب .. بعد الليالى المره فى حضن العذاب

عاد الحبيب المنتظر.. عاد .. عود حميد المستطاق

يال الهوا... يال الشباب .. يال الدعاء المستجاب





فى غيابك اضنانى الالم وفقدت للايام ندام

اندسا فى قلبى النغم واتجلا فى عيونى الفراق

اصبحت اشعر كالسجين لو مرت النسمات تطول

من خلف شباكه الحزين تحمل من الورد العطور

السلوى فى ضمة حنين والذكرى فى رحلة سراب



سر الغرام... نبع الحنان.. قمريه فى قلبى الودود

غنت على سمع الزمان من واحلى انغام الخلود

نحن التقينا على امل فعلما هجرك والصدود



ابحق من جعل القلوب شوقا وتحنانا تذوب

لا نفترق لا بعد اللقاء بعد الامــــــل بعد الرجاء



عـــــــــــــــاد الامل

عاد الحبيب المنتظر عاد عودا حميدا مستطاق



يال الهوا.... يال الشباب ... يال الدعاء المستجاب























الماضى والحاضر



انت لو فكرت تذكر غرامك

في ماضيك البعيد

برضي زيك كنت عاشق

وكانت ايامي وعمري عيد

انت عارف برضو عارف

قلبي فرحان بحبيبو

يا ما شمت الناس عليهو

لما حاول يوم يسيبو

والفراق قسموه ليهو

قلبي رضيان بنصيبو

قلبي ايام في عذابو

في ربيعو يكون وحيدو

لما شفتك رحت ناسي كل ناسي الكانو قربي

بعت غيرك واحتضنتك يا حبيبى جوة قلبي

انت بس قدمت املي

تبقى زادي وباقي دربي

لو نسيتو او جفيتو

في العذاب قلبي المتيم

وزفي الغرام يكون شهيدو

يا حبيبي ... يا حبيبى ايدي واليدك

نبني جنتنا الصغيرة

احكي لي واحكي ليك

عن امانينا الكبيرة

بالحنان نتغنى بيهو ......بالحنان نتغذى بيهو

والحنين للمسيرة

يا حبيبي ... يا حبيبى قلبي عندك

انت فيهو تحى بيهو وتبقى ليهو

طوق نجاتو ونور حياتو

بالحنان نتغنى بيهو ......بالحنان نتغذى بيهو

يا حبيبي ... يا حبيبى قلبي عندك

انت فيهو تحى بيهو وتبقى ليهو

طوق نجاتو ونور حياتو

يا حبيبي

.