.اغانى صلاح بن الباديه
فات الاوان
فات الأوان والانكتب علي جبيننا الليله بان
أصبحنا أغراب نحن القراب لا رعشه لا لمسة حنان
-----------------------------------------------------
فات الأوان وما قادر أصدق انو نحن أواننا فات
كيفن سنين الحب تفوت يا داب ظلال أفراحها جات
وكيف نفترق نقطع صلاتنا يوم ما بدت بينا الصلات
فات الأوان شيع غرامنا الاتولد ساعتو اللي مات
فات الأوان هات الدموع عبر صدي الماضل اللي كان
وفات الأوان والانكتب علي جبيننا الليله بان
-----------------------------------------------------
أنا عشت من قبلك غريب ما عرفت تقدير الزمن
أحبابي من قبلك دموع وأصحابي من قبلك شجن
كان عمر حفلات من ضياع ما ليهو قيمه ولا تمن
ويوم ما عرفتك كان سنين العمر ولن وانتهن
فضلت أتحسر وأقول ليه ما عرفتك من زمان
---------------------------------------------------
الله ..الله ..الله .. لحبي الاندثر يوم ما ظهر ما ضاق شباب
الله ..الله ..الله .. لقلبي الاحترق يوم انفتح للجنة باب
الله ..الله ..الله .. لشمعاتي الطفن يوم الظلام بالفرحة داب
الله ..الله ..الله .. لعمري الانتهي يوم ابتديت أحسب حساب
وقول الوداع فات الأوان يا ريتو فات قبل الأوان
هدى بى ياشوق
هدى بى ياشوقى هدى**هــــــدى بى قبال تعدى
انت ماملزمنى حدى بس تشيل فوقى وتودى
****
ماكفايه الغيبه دى الفيها كملت الخطاوى
ولا الدروب الطايله ديك اصلى عاد ماكنت ناوى
ده المقدر مابيديه اصلو كان مكتوب على
نمشى خلفك يااراده بس مكان ماتودى ودى
****
شوف عجايب الدنيا كيف وكيف بقيت بتحملا
بى اوامر الشوق رضينا واصلو لازم نقبلا
سوقى ياحنيه سوقى سوى ذى ماتسوى فوقى
يلا ياسكتنا عدى اصلو مابى الشوق يعدى
****
نحن شانك يامحنه نرضى مجبورين نطاوعك
ونفرش الازهار دروبك والمصير رضيان يبايعك
اى سكه نواصلا لم بكرة نحصـــــــــلا
يلا روح ياشوقنا عدى روح مكان ماتودى ودى
ننساك
ننساك انت انت بتتنسي
ما انت روحنا وحبنا
سا فرنا في عنيك ولسة قلوبنا بيك متجننة
ولقينا في دنيا العيون ياسمي من النور غني
كون من رشاقة وامسيات باقات انيقة ملونة
الحان طروبة وشوشات انهر موسيقي ودندنة
فاضت دموعنا عليك حنان وانت في القلوب دوبتنا
يا اغلي من نور العيون شايلات قلوبنا هوي وحنان
اتوسد الافرا واغني الكون في ارجوحة جنان
اسرح خيالنا يطير يحلق يحلق بينا في عمر الزمان
واسقينا من خمرة هوانا السامي نرشفو نحتسي
غا المساء والكون صبح عشاق جمال اتاملو
وكل الحروف الفي الخيال بي لهفة جاتو ما غلو
قالو الجمال يا غالي بيك كانت نهايتو واولو
ونحن في هواك يا غالي لا لا بنطيق بعاد لا بنحملو
اصلو المحبين الحنان لا بنسوا لا بتحولو
بحبك
بحلف لك بحبك وأنا مخلص لحبك
يا حبي وربك أوعي تقولي لا لا
انا ساهر في دربك وأنا هائم في حبك
يا حبي وربك أوعي تقولي لا لا
يا ساكن في بالي بحلم بيك ليالي
بس اعطف بحالي وأوعي تقولي لا لا
حبي إليك صافي وحياتك يا جافي
لوعدك ما بتوافي وليه بتقولي لا لا
المريود
المريود شوية شوية نار الشوق كتيرة عليا
المشتولة فرع البانة البيك الخلوق تعبانه
احمل حاجة فيك يا فلانة رسم الحنة ضواء بنانه
في عيونه الدلال والشوق وفي أخلاقة كل الذوق
ورتني النجوم الفوق وقالت ليا اصبر روق
في ايديها حلوة الحنة ماشة مع البنات تتني
لو قلبك علي انا حن كان دقينا باب الجنة
كلموها ما تنسانا الضيعت عمري عشانه
المن الحنان خجلانه يا ناس عندي ليها أمانة
ساقية جحا
أنا أصلي يا عقد النجوم
في الريدة زي ساقية جحا
والكفة في ميزان هواك
صعبان علي أرجحا
*******
أنا روحي بين أفراح و همّ
شوفيها كيف متأرجحا
كل زادي في درب العمر
مصلاية في ضل الضحى
وأسامي لما الليل يجن
امسك حروفا اسبّحا
وانا في هواك درويش وحيد
وسنيني فايتا مروّّحا
*******
شايل شرافتي مع العصير
ارسم خطوطا وامسحا
انا لي حبيب حتى النسيم
لو زار خدودو يجرحا
لو طيفو زارني مع الكرى
يسعد رويحتي يفرحا
وريدتي البشيلا حجا وجحاب
في الهمسة ماني موضحّا
لكن عيوني وقت تريد
ما ريدا دايماً فاضحا
الهدف
موناي ياهدفي تتحقق وارجع للوطن ظافر
كفاي غربة وفراق احباب وراك لي متين انا مسافر
سنين في الغربة متألم اعاني من العذاب الوان
اعيش في الليل بذكراهن وحيد بينن انا الانسان
اشيل الليل ضنى وتفكير وفي بحر اللهموم قرقان
اتوه في ظلمة شارد البال اسافر في الخيال سرحان
واحلم بالهدف مرة اكاد اصحى واطير فرحان
وتصبح شمس يوم باكر اعود لي مرارة الحرمان
صبرت على الهدف سنوات صبر ايوب علي قليل
اشيد في الخيال امال وابني قصور في مجرى السيل
وارجع تاني من اول ابني نفس البنيتو قبيل
وارجع من جديد السيل شديد بالحيل اهد واشيل
اظن يا دنيا بختي قليل وسؤ الحظ قصدني عديل
ومهما تعاكس الايام تجدني تملي جبل الشيل
مهما جنيت علي يا زمان وجارت قسوة الاقدار
عندي إرادة ما بتلين عزيمة قوية بي إصرار
خبرتك يا زمن عشتك عرفتك الي الضعيف قدار
يا ما بكرة تخضع الي وتزرع دربي فل وازهار
ما دام يا هدفي مؤمن بيك اكيد تتجاوب الاقدار
الحرير ..
شعر أبو امنة حامد ..
غناء صلاح بن البادية
وشوشنى العبير فانتشيت
وساقنى الهوى فما أبيت
يد الحرير ارتعشت بكفىّ
بكيت من رعشتها بكيت
صبية ... العطر يشتهيها
أمذنب أنا إذا اشتهيت ...؟
جدائل الليل على كتفيها
تهدّلت حولى فما أهتديت
أجمل منها ما احتوى فؤادى
فالعبق الصادح ما احتويت
حبيبتى أغرودة العذارى
ورنة الأفراح إن غنيت
حبيبتى أنيقة العطايا
تهمى هوى إذا أنا غنيت
لا تسألونى كيف كان الملتقى ...؟
وكيف فى دروبها مشيت ...؟
وكيف طاف الثغر فى إبتهال ...؟
وكيف فى محرابها صليت ...؟
سرّ عميق حبها بقلبى
ما قلته للناس .. ما حكيت
فإن روى القيثار سرّ قلبىّ
قولوا لها ما قلت .. ما رويت
لكنه حين بكى حنينا
بكيت من رقته بكيت
يا فايت
يا فايت ومتناسينا
رسل بسماتك لينا
صدقني أنت رزين
وبسماتك حلوة وزينا
يا فايت .....
فايت ونظراتنا وراك
شايل قلوبنا معاك
إيه السبب في جفاك
بالله بس ورينا
يا فايت.....
رسلنا ليك نلومك
ده كلو خايفين من لومك
سيب الزعل وهمومك
وما تشمت الناس فينا
يا فايت ....
لو كنت زعلان حاول
ببسمة لينا تجامل
أعرف شعورك وبادل
وبحلمك شويه علينا
يا فايت.....
عواطف
امنتك عواطفي وخنت الامانة
حطمت في دقيقة احلامنا ومنانا
يا ناسي المحنة يا ناكر هوانا
رجع لي امانتي وشوف لو تلقى تاني
عواطف او محنة زي عطفي وحناني
لو تعرف يا اسمر معنى الشوق و ناره
كنت تنوح وتسهر اسير المو وحساره
تدوق ظلم الليالي وتقول الحب جناية
ودنياك تبقى حسرة وعذاب من غير نهاية
تعال كلمني مرة وانت تعلل معنى بعدك
انا راجيك لعلك وانت ترحم وتطرا وعدك
تنسيني المظالم وقلبي تزيل شجونو
واقول للناس حبيبي غرامي حلف يصونو
ابناء النيل
من الجنوب قامت اغاني الريدة تتوجه شمال
حاضنة المداين والجناين والجبال
تزرع اغاني الوحدة فوق ضهر التلال
ليك ياشقيق الوادي يا ود عمي يا سمح الخصال
القبلي شال والنيل حضن رزقو الجديد رزق الحلال
رزق الازاهر والمزاهر والعيال
النيل قدل والقدلة عاد لابس وشاح اخضر حرير ومعاه شال
الوادي سال احيا الرجال الفاتو من سابق سنين
واقفين معاي زحمو المجال
وبيغنو التاريخ القديم وزمانو الطال
ما بينا ما بيدخل دخيل ودربنا ما داير سؤال
وحدنا اهدافنا الكبار اخوان على درب النضال
يلا يا تاريخ تعال انحنا الجنوب حضن الشمال
ونحن زي ما قال خليل يا عازة نحن في هواك نحن الجبال
يا عازة للعكر صفاك نحن النبال
نحن الزرع نحن الضرع نحن الفرع فوق في السما وفوق الارض نحن الجبال
كلمات : مبارك المغربي
أداء وألحان: صلاح بن البادية
ما عشقتك لي جمالك
إنت أيه من الجمال
أو هويتك لي خصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهائو
من مناظر السبر صفحة
من ريهد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصحو طريقنا باين
يا شبابنا نقيف نعاين
الأمل معقود علينا
والعمل ظمئان إلينا
بي سواعدنا ونضالنا
في جنوبنا وشمالنا
غير من يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليه تزحمنا الخواطر
نبني مجدك يا بلادي
ألف أهلا يادموع
انتي لو داير بكاي الف اهلا يا دموع
مهما القي النار في دربك برضي اشتاق للرجوع
اصلي عايش كل منايا القي في حبك مصير
وانسي في عينيك شقايا وانسي تعذيب الضمير
برضي اوصل لى نهايه تروى ليك عمرى القصير
لى هناى تكتب بدابة حلوة زى ضحكة صغير
كنتا عايش طول سنيني فى دروب مليانه هم
كنتا بشعر يا حبيبي إني مخلوق للألم
لو تصدق إنو عمرى أصلو في يوم ما ابتسم
إلا يوم ما شفتك انتي وكنتا لى اجمل نغم
انتى لو رضيان تسيبني ابقي في دربك وحيد
يسعدك انك تشوفني كل يوم في هم جديد
انا برضي بى حكمك علىّ مهما فى جورك تزيد
ابقي بي حرمانى راضى ى هواك اموت شهيد .
حـــــــــــــرف نــــون
انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل
انا عمرى ما عرفت الهوى ولا سحرنى جمال عيون
ولا حركت فينى العواطف اهوى فى درب الشوق
اتحجر الاحساس فى ذاتى وكنت بغير ما اكون
الليله بدل حالى زول ..زول ببدى اسمو بحرف نون
انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل
اخضر فى دنياى ربيع ازهارو نبتت فى الجفاف
بدت بشاير الخير تجول تتحدى ايامى العجاف
كل الحصل لمحة عيون من ربة الصون والعفاف
خليتنى بقيت اسير غرام لا عاشو بيت لا زيو شاف
من غيرى يستاهل هواك...من زى قلبو عليك بخاف
انا عمرى ما غنيت قصيد ولا عزفت نغم جميل
واصلو ماهزت مشاعرى صور جمال وعيون كحيل
الليله بس ايه الحصل يا قلبى حار بى الدليل
انا بقيت اجيب انظم شعر انا واغنى الحان للخليل
ليلة السبت - صلاح بن الباديه
طال انتظارى فى ليلة السبت
يا حلوة العينين يا انت
انسيتى وعدك باللقاء هنا
كم مرة بالله اوعدتك..
لاتفه الاسباب .. فاتنتى
ولابسط .. الاسباب فاتنتى
كم جئت امس وكم تعللتى
لو قلتى انك لست اتيه
اسكتى فى النيران لو قلتى
عبر المدى .. عينى مشردة
ترعى خيالك ربما جئت
تتهامس الاشواق اتيه
وتصيح بى الاوهام .. لن تاتى
هل ابلغوك وشاية كذبا
يا حلوتى عنى فصدقتى
ام هل خفت اعين العازلين لنا بالحى ترقبنا
فا حجمتى
ام ان مكروها الم بك
لا .. قدر المولى تاخرتى
فتصورى ما بات يعصف بى
من عاصفا اشعلته انت
وجمعت باقات الزهور هنا
ولكم .. بازهارى تزينتى
القيتها بجوار مقعدنا الخالى
حزينا اذ تخلفتى
وبكى المساء الوردى
وارتعشت كل النجوم .. عشية السبت
وحملت .. اشواقى وعدت بها
متلفحا بالليل .. والصمت
طبع الزمن
عز الدين هلالي – غناء ابن البادية
في عيونا بنشيل الصبر ... كل العمر
بنشيلو ريد وبنشيلو عز
وانت بتجينا بلا ميعاد
تحرق فؤاد عاشق بعز
وتسيبو لي ليل الشجن
اصلو طبعك يازمن
لا راضي انت تغيرو
ولا نحن راضين بالمحن
قدامنا شوق كم زول بكى
قدامنا شوف كم زول تعب
لا مرة ولا يوم اشتكى
ولا قال خلاص صعب الدرب
اهو نحن عارفين الحصل
وبرضه بنقول عاوزين نحب
وبروحنا ماشين للمحن
اصلو طبع يا زمن
شوف ... نحن عارفين
قيس ..شقى
وعارفنو كان تايه وحيد
لاحبو لاريدو اتلقه
ولا في عمره يوم عاش سعيد
طول عمره كان مستنى ليلى
وكان بيحلم بالجديد
اهو هسه مرة الف ليلة
وبرضه بنفكر نريد
مع انو عارفين الثمن
اصله طبعك يا زمن
انا ما بقول يا قلبي اقسى
وخلي للحب الدرب
لكن كمان ما تكون عنيد
وتحب ليك زول ما بحب
معقول بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب
حسنك امر - محمد يوسف موسى
غناء ابن البادية
حسنك امر احمل صبابات الهوى
واحمل براي نار الجوى
لاكل قلبي ولا فتر
***
حسنك امر و الشوق بحور
ماليها حد ماليها قيف
احترت كيف اقدر اصل
بالله قول بالله كيف
حسنك امر ... والوعتي
و لهفة القلب الرهيف
***
حسنك امر
مهما صعب درب الوصول
اتحدا دربك لو يطول
ومين غيرنا نحن البحتمل
صدفة
صدفة غريبة لقيتو الليلة
بعد غيابو ليالي طويلة
صدفة غريبة جانا الزاير
بثغرو الباسم وجهو الناير
بحنانو وعطفو وشوقو الظاهر
والامل القرب ليوم باكر
والنور الفجر دربي بشاير
بحب واماني وعاطفة نبيلة
لقيتو لسه الشوق في عينيو
حسيت بالرعشة في ايديهو
لو شفتو الخجل الكسا خديهو
والبسمة الحلوة ودلالو وتيهو
بيقولو عذابي شوية عليهو
ليالي تاني برضو قليلة
حبيبي حبو في الوجدان
تضمو ضلوعي بشوق وحنان
وطيفو معاي في كل مكان
يسقي فؤادي الهوى الوان
واطرب روحي بالالحان
وعشانو بشوف الدنيا جميلة
فتاة العاصمة
ساحرني بحسنك ده
بشوفتك قلبي بدق
ساحرني بالنظرة
ناسيني بالمرة
اسيني لو مرة
****
شفتك مرة ساعة مارة
الدلال الفيك الجمال الفيك
للعقول سر
****
اه ... ياريتني أبقى ليك زهرة
يا غانية الحمرة زي حمار خديك
تقطفني يديك وأشوف بريق عينيك
وأعيش على الذكرى
في الحياة مرة
الاحبة
الاحبة بعد ولفو
مالم جارو و صدو وجفو
قلبي كان ثابت خففو
علموهو الريد واختفو
بالعذاب البي ما اكتفو
للمواعيد بقو يخلفو
الصغير يا الضامر الهاف
من عيون الناس ليك بخاف
اليشوفك من غير خلاف
داق سعادة الفي الكعبة طاف
يا ملاك انا قررت اتوب
اترك الحفلات والعود
يا الجدي المرعى الحقوب
ليك ياما كست الدروب
داير اتوب وارجعلك انا
اترك الحفلات والغنى
اجفى غيرك مهما دنا
يا ام نهيدا ما رضع جنا
يا حبيب ريدك من بدا
قلبي ليهو استسلم رضى
للهلاك روحي معرضا
يا جميل ليه تعمل كده
خاتمي
فقدي الليلة في الياقوت خاتمي الجنن البنوت وفقدي الليلي
الليل ....... ياخاتمي مغلوت وجاهل عاشق البنوت
النقشك يعيش ما يموت في تفنينو سوى الفوت
الليل ..... ده خاتمي الماخدو دابو جديد راح و ما استنى يوم العيد
والنقشك نبيه ومو بليد يا ظرفو اليخيل في الايد
الليل....... قول للدايما طربان خاتم الراوي راح ودران
وين يا رسالة ام درمان ده راح في نجيلة الحيضان
الليل ...... وينو الليلة متمسد ده الكرهني في نفسي
الما بعزيني في خاتمي لبكا ابوهو ما بمشي
الليل.... ده عشقي في قرينو بتل مدفور زندولو حجل
ده حظي الخاتمي مني ودر بشارته جنيه كرامتو عجل
الليل ....... وفارش برشي لي دورين ويومي على الله شوقارين
وكل شوقار جو نقارتين في الغدا والعشا كبشين
لغة العيون
انا والعيون ضمانا كون
احلا الكلام لغة العيون
اقواس قزح تمطر فرح تسكر
شعور تطفي الشجون
همسات دلال فيها ابتهاج
تهدي الخيال اروع فنون
مهما الخيال يبدع جمال
يرسم ظلال حول الجفون
انا ارجع اقول يا احلا زول
احلا الكلام لغة العيون
سرحن بعيد عزفن نشيد
خلن عقول ترقص تدور
خفقات كمان يرشق حنان
ورنة رباب بين الزهور
نفحات حروف ياسمين تطوف
ورحلة عبير في ليل عطور
ومهما االخيال يبدع جمال
ويرسم صور من كل لون
انا ارجع اقول يا اعز زول
الطف كلام لغة العيون
من غير خجل قول الحصل
كيفين جرير ناجى المقل
قال الحور حاضن قمر
كلام لزيز ممزوج غزل
فيه الخدود فوق للحدود
فيه الحنان يبرق امل
ومهما الخيال يبدع جمال
وسحر بينا انسان لحون
انا ارجع اقول يا احلا زول
احلا الكلام لغة العيون
اسير الغرام
يا اسير الغرام ظلموك الحبايب
سقوك الالام من ريدهم ما تايب
سلبوك النعيم ما لقيت الهناء
اصلوك بالجحيم وازداد الصنا
يا مساهر الليالي وتشكو لربنا
يا قلبي ليه ما تايب
حبيت وانجرحت من اول حبيب
وكاتم ما السر ما كان بخت ورضيت بالنصيب
ونابك ايه في حبو غير نار ولهيب
يا قلبي ليه ما تايب
وكم حاولت تقسى وتنساهم كمان
وليه ما قدرت تنسى وتعيش في امان
ليه تجلب ليه يا قلبي احزان الزمان
يا قلبي ليه ما تايب
.
الإثنين يوليو 18, 2011 5:27 pm