حنيني اليك
كلمات : سر قدور
حنيني اليك وليل الغربة اضناني
وطيف ذكراك بدمع القلب ابكاني
واقول ياريت زماني الفات يعود تاني
والقاك حبيب عمري وتلقاني
وتلقي الريد معايا لحظة مانسيتك ولانساني
لابنساك ولابقدر ولاعارف بعد حبك احب تاني
واهرب من خيال طيفك في عينيا بلاقيهو
اعيش ايامي بالذكري الم وافراح
الليل اليل يصافيني ونعود تاني من تاني
عاطفة وحنان
عاطفة وحنان يا ناس وإنسان رقيق وناس
وعيون تضوي الليل وقليب رقيق حساس
ضمتنا جلسة ريد .. نستنا دنيا الناس
ما شفنا فيها ملل .. ولا طاف علينا نعاس
***
جاد الزمان عطّر ليلتنا بالأفراح
هبّ النسيم أسكر أرواحنا من غير راح
وقصّر علينا الليل ليل الأحبة صباح
أدينا حق العين وشوق السنين إرتاح
***
أمضينا باقي الليل مشوار يفوح أنغام
وسرحنا متقاودين نتساقي أحلي كلام
ينثر علي ألحان من فم رقيق بسّام
بين رعشة الأنفاس وحتلاوة الأنسام
.
الإثنين يوليو 18, 2011 5:08 pm